من هو

Posted on March 21, 2012

0


باسم البهلوان

وكالة رم الاخبارية – من هو

اسمه الاول على وزن عاصم ودوار بين عمان والعواصم والشعب بنتظر الكلبشات اتزين ايديه والمعاصم وراس مطلوب للمحاكم وما حدا اله راحم  واذا بفكر يفلت بكون واهم .. خربها وقعد على تاليها وما حدا منه سالم..

وين ما جلس ماد ايده ولاهم..

مرعوب من ناريمان وبدور على الجاه والسلطان واخر رحلاته كانت لندن ولبنان .. ووجهه قالب اشكال والوان .. ومعلق على احبال السياسة مثل البهلوان .. وقصوره بناها من كيس الشعب الغلبان.. ولخوفه من المساءلة باع قصره اللي بعمان.. وكان يا ما كان في قديم الزمان يصول ويجول ويعطي فرمان وقلبها دكان..

ما حدا بحب صباحو واللي حواليه كلهم راحوا وبوجهم عنه اشاحوا واذا بقي مطلوق صراحو العوض على الله بالمليارات اللي راحو..

اسمه الثاني على وزن هلا هله وفيه مش مرحب وما اله طله وبالبلد عمل لحاله شله وبالملايين عبى السله وعنه ما في حله بلعها ابره ورح يرجعها مسله وعمره ما حمل بيده دله .. رضع من فوق اللجام وقرط (الشمله) وبكرهك وبحب العملة وبتنتظره مهاجع الجويدة ..

وبالحراك اسمه رأس الافعى .. حيه تسعى بالدنيا جحيما سيلقى طولا وعرضا ويهوي ومن معه وسوف يشقى وقضبان السجن تعشقه عشقا وعهده اندثر وولى..

هون قظاها سمسار داير من دار لدار وفكر حاله معه كرت غوار باع واشترى ومعروف بالغدار لا هو فارس ولا مغوار .. غير انه محسوب من الشطار وخلي اللوموزين تنفعه اذا اتعدى المطار.